loading...

MİQ müsabiqəsinin müsahibə mərhələsində namizədlərə hansı çaşdırıcı suallar verilir?

MİQ müsabiqəsinin müsahibə mərhələsində namizədlərə hansı çaşdırıcı suallar verilir?

Müəllimlərin İşə Qəbulu imtahanının Müsahibə mərhələsində namizədlərə xüsusən psixologiya üzrə çaşdırıcı suallar verilə bilər.
Bu sualların məqsədi müəllimin psixoloji durumunu, nə dərəcə təmkinli, səbirli olmasını yoxlamaqdır.
Məsələn: “Mövcud olmayan bir heyvan çək” deyilir namizədlərə.

Bu vəziyyətdə mövcud olmayan heyvanın şəklini çəkməyə cəhd etməkdənsə dərhal belə cavab verə bilərlər.
Axı qeyd edirsiniz, “mövcud olmayan heyvan” və ya 
“mövcud olmayan gül” çək də deyə bilərsiniz.
Çox sayda bitki, heyvan növü, elə ölkəmizin zəngin florası, faunası varkən niyə olmayan bir varlığı çəkim ki? 
İcazənizlə füsunkar təbiətimizdən bir rəsm çəkə bilərəm.
Məsələn:Qarabağ atlarını, Şuşanın xarıbülbülünü vəsf edim.
Daha bir gərgin vəziyyət o halda yaradıla bilər ki namizəd sualın cavabını düz verəndə belə onun psixologiyasını yoxlamaq üçün “səhv dediniz” və ya
“eşitmədim, zəhmət olmasa bir də təkrar edin” kimi sözlər deyilə. Digər bir məqam, namizədlər sualların cavabını izah edəndə bir neçə dəfə “başa düşmədim” deyərək fərqli yollarla izah etmələrini gözləyə bilərlər.
Əlbəttə, belə məqamlarda gələcəyin müəllimləri səbirli, təmkinli olmalı, etik davranış qaydalarını gözləməlidirlər.
Çünki müəllimin müxtəlif xarakterdə, hər birinin də oxumağa qabilliyi fərqli şagirdləri olacaq.
Belə situasiyaların yaradılma səbəbi müəllimin didaktik( öyrətmə məharəti) və kommunikativ(ünsiyyət) qabiliyyətlərini yoxlamaq, üzə çıxarmaqdır.
Daha bir çaşdırıcı sual nümunəsi:
Dərs vaxtı sinfə fil girsə nə edərsiniz?
Cavab versiyası: Fil deyəndə dərhal Hindistan düşür yadımıza.
Məşhur bir hind filminin adını xatırlayırıq çoxumuz:
“Fillər mənim dostumdur”.
Dostluğu xatırladır, sədaqəti, vəfanı.
Mövzunu dərhal dostluqla əlaqələndiririk.
Təbii ki məqsəd sinfə fil girməsi nağılına inandırmaq ola bilməz müəllimi, dostluğa yönəltməkdir fikri.
Unutmayın, müsahibədən yüksək nəticə ilə keçmək istəyirsinizsə, səmimi olun. Ürəyinizdən keçən cavabları verin, təbii ki məntiqinizlə əlaqələndirməklə.

Günel ƏLİYEVA

582 baxış

Bu haqda nə düşünürsən?