loading...

Müəllimlərin işə qəbulu üzrə vakansiya seçimi zamanı diqqət yetirmə olan məqamlar

Müəllimlərin işə qəbulu üzrə vakansiya seçimi zamanı namizədlərin diqqət yetirmə olan bəzi məqamlar vardır.
Bu gündən, saat 13:00 –dan etibarən müəllimlərin işə qəbulu üzrə vakansiya seçiminə start verilir. Bu müddət ərzində namizədlər elektron ərizələrində müvafiq bölməyə daxil olub, imtahan fənninə uyğun 8 vakant yer seçərək ərizələrini təsdiq etməlidirlər.

Vakansiya seçimi zamanı kənd məktəblərini seçmək istəyən namizədlərin diqqət yetirməli bəzi məqamlar vardır. İlk olaraq vakant yer seçimi etməmişdən öncə həmin məktəb haqqında məlumat toplamaq, harada yerləşdiyini, həvəsləndirmə tədbirlərinin hansının tətbiq olunduğunu, dərs yükü, rayondan uzaqlıq məsafəsi və ən əsas məqamlardan biri də kirayə evdir. Qeyd etmək istərdik ki vakant seçimi zamanı hər bir məktəb haqqında qısa məlumat və əlaqə nömrələri veriləcəkdir.

2019-2020-ci tədris ili üçün keçirilən müəllimlərin işə qəbulu imtahanlarında iştirak etmiş namizədlərə builki və ya ötənilki işə qəbul imtahan nəticəsini seçərək bu mərhələdə iştirak hüququ verilir.

Vakant yerləri builki və ötənilki müəllimlərin işə qəbulu imtahanlarında müvafiq keçid balı toplamış, həmçinin 10 ildən çox fasiləsiz olaraq müddətsiz müqavilə ilə ümumi təhsil müəssisələrində pedaqoji fəaliyyətlə məşğul olmuş və 3 ildən az olmayan müddətdə işdən ayrılmış, diaqnostik qiymətləndirilmədə iştirak etmiş namizədlər seçə bilərlər.

Qeyd edək ki, 2019-2020-ci tədris ili üçün musiqi, təsviri incəsənət fənləri üzrə həvəsləndirmə tədbirləri tətbiq olunan Təhsil Nazirliyi sisteminə daxil olan ümumi təhsil müəssisələrinə keçid balı 30, həvəsləndirmə tədbirləri tətbiq olunmayan ümumi təhsil müəssisələrinə keçid balı 42,  fiziki tərbiyə fənni üzrə həvəsləndirmə tədbirləri tətbiq olunan ümumi təhsil müəssisələrinə keçid balı 36, həvəsləndirmə tədbirləri tətbiq olunmayan ümumi təhsil müəssisələrinə keçid balı isə 42 müəyyən edilib.

Digər fənlər üzrə isə həvəsləndirmə tədbirləri tətbiq olunan ümumi təhsil müəssisələrinə keçid balı 36, həvəsləndirmə tədbirləri tətbiq olunmayan ümumi təhsil müəssisələrinə keçid balı 48 müəyyən edilib.

Müsabiqəyə 7 mindən artıq vakant yer çıxarılıb.

664 baxış

Bu haqda nə düşünürsən?